പത്തനംതിട്ട ജില്ലയില് തിരുവല്ലയ്ക്കടുത്ത് കവിയൂരിൽ പുരാതനമായൊരു ഗുഹാക്ഷേത്രമുണ്ടെന്ന് കുറച്ചുനാളായി കേട്ടറിവുണ്ട് - കേരളത്തിലെ ഏറ്റവും പഴയ ക്ഷേത്രങ്ങളിലൊന്നായി കരുതാവുന്ന കവിയൂര് തൃക്കകുടി ഗുഹാക്ഷേത്രം! പത്തനതിട്ടയുടെ മരുമകനായതിനു ശേഷം തിരുവല്ല - പത്തനതിട്ട വഴിയിലൂടെ, അവധിക്കാലനാളുകളിൽ, നിരന്തരം യാത്രചെയ്യാറുണ്ട്. അതൊക്കെ തന്നെ പലവിധ ആവശ്യങ്ങൾക്കായി തിരക്കുപിടിച്ച് നടത്തുന്ന യാത്രകളായതിനാൽ ഒരിക്കൽപോലും വഴിതിരിഞ്ഞ് അധികം ദൂരെയല്ലാത്ത കവിയൂരിലേയ്ക്ക് പോകാൻ സാധിച്ചിട്ടില്ല. എന്നാൽ ഇത്തവണ എന്തായാലും അതിനുള്ള സാവകാശം ലഭിക്കുക തന്നെ ചെയ്തു.
 |
| കവിയൂർ. ഗുഹാക്ഷേത്രം സ്ഥിതിചെയ്യുന്ന പാറ ദൂരെ കാണാം |
മഴപെയ്ത് തോർന്ന ഉച്ചതിരിഞ്ഞ നേരത്താണ് ഞങ്ങൾ അവിടെ എത്തിയത്. പ്രധാനപാതയിൽ നിന്നുതന്നെ ഗുഹാക്ഷേത്രമിരിക്കുന്ന പാറക്കെട്ട് കാണാം. അവിടേയ്ക്കുള്ള നാട്ടുവഴി മഴവെള്ളം നിറഞ്ഞ് ചതുപ്പുനിലം പോലെയായിട്ടുണ്ട്. പാറയുടെ വശങ്ങളിലായുള്ള ഒന്നുരണ്ട് ചെറുവീടുകളിലെ കുട്ടികൾ കളിച്ചുനടക്കുന്നത് കണ്ടതൊഴിച്ചാൽ പരിസരം വിജനവും ഉപേക്ഷിക്കപ്പെട്ട നിലയിലുമാണ്.
 |
| പാറയുടെ മറ്റൊരു പാർശ്വക്കാഴ്ച |
പാറയുടെ താഴ് വശത്തും ഗുഹയിലേയ്ക്കുള്ള പടവുകളിലും ആകമാനം പുൽക്കാടുകൾ പടർന്നുകിടക്കുകയാണ്. ഈ പച്ചപടർപ്പും മഴമേഘങ്ങൾ സൃഷ്ടിച്ച നിഴൽവീണ അന്തരീക്ഷവും കൂടി ഒരുതരം അഭൗമവും നിഗൂഡവുമായ ഭാവം ആ പ്രദേശത്തിന് പ്രദാനം ചെയ്യുന്നുണ്ടായിരുന്നു.
 |
| ക്ഷേത്രത്തിലേയ്ക്കുള്ള കാടുപിടിച്ച പടവുകൾ |
ഏഴാം നൂറ്റാണ്ടിലോ എട്ടാം നൂറ്റാണ്ടിലോ നിർമ്മിക്കപ്പെട്ടു എന്ന് കരുതുന്ന ഈ ഗുഹാക്ഷേത്രം ഒരു പാറമുഖം കൊത്തിയെടുത്ത് സാക്ഷാത്കരിച്ചതാണ്. അതേ പാറയിൽ തന്നെ കൊത്തിയതാണ് ഉള്ളിലെ ശിവലിംഗവും വശങ്ങളിലെ ദ്വാരപാലകശില്പങ്ങളും. ശിവലിംഗത്തിന് പിന്നിലായി കാണുന്ന പുഷ്പാകൃതിയിലുള്ള കണ്ണാടി ഒരു പിൽക്കാല നിർമ്മിതിയാവാനാണ് സാധ്യത.
 |
| ഗുഹാക്ഷേത്രം |
ഈ കാലഗണനയ്ക്ക് നിദാനമായ കാരണങ്ങളിൽ പ്രധാനം ഈ ഗുഹാക്ഷേത്രത്തിന്റെ നിർമ്മാണരീതികൾ അക്കാലത്ത് തെക്കേയിന്ത്യയിൽ പ്രബലമായിരുന്ന പല്ലവ വാസ്തുസൃഷ്ടികളോട് അടുത്ത സാമ്യം പുലർത്തുന്നു എന്നതാണ്. പല്ലവ സാമ്രാജ്യത്തിൽ കേരളത്തിന്റെ ഈ പ്രദേശങ്ങൾ ഉൾപ്പെട്ടിരുന്നതായി കരുതനാവില്ലെങ്കിലും അക്കാലത്തെ വാസ്തുനിർമ്മിതികളൊക്കെയും തെക്കേയിന്ത്യയിൽ ആകമാനം സാമാന്യമായ ഒരു രീതിശാസ്ത്രം പിന്തുടന്നിരുന്നതായി ന്യായമായും അനുമാനിക്കാം - കലാവൃത്തിക്ക് ദേശാതിരുകൾ ഇല്ലല്ലോ.
 |
| ക്ഷേത്രത്തിനുള്ളിലെ ശിവലിംഗവും ദ്വരപാലക ശില്പവും |
മാമല്ലപുരത്തും (മാഹാബലിപുരം) പരിസരങ്ങളിലുമുള്ള പല്ലവ ക്ഷേത്ര, ശില്പ സമുച്ചയങ്ങളോട് ഈ ക്ഷേത്രം പ്രകടിപ്പിക്കുന്ന മമത ഒട്ടും കുറവല്ല. പ്രവേശനഭാഗത്ത് പാറയിൽ കൊത്തിനിർമ്മിച്ചിരിക്കുന്ന ദ്വാരപാലകരുടെ ശില്പങ്ങൾക്ക് പല്ലവകാലത്ത് പണി കഴിപ്പിക്കപ്പെട്ട ക്ഷേത്രശില്പങ്ങളോട് അസാമാന്യമായ സാമ്യമുള്ളതായി നിരീക്ഷിക്കപ്പെട്ടിട്ടുണ്ട്.
കേട്ടിട്ടുപോലുമില്ലാത്ത ഒരു പുരാതന ക്ഷേത്രം/സ്ഥലം പരിചയപ്പെടുത്തിയതിന് നന്ദി.
മറുപടിഇല്ലാതാക്കൂഏറെ പ്രാധാന്യമുള്ള ഈ ഗുഹാക്ഷേത്രം പോലുള്ള ചരിത്രശേഷിപ്പുകള് കാടുപിടിച്ച് സന്ദര്ശനയോഗ്യം അല്ലാതായി പൊടിഞ്ഞുനശിക്കുമ്പോള് അങ്ങ് ദൂരെ അഫ്ഗാനിസ്ഥാനില് ബുദ്ധപ്രതിമകള് തകരുന്നതില് ധാര്മ്മികരോഷം കൊള്ളുന്നതിന്റെ കാപട്യം നമ്മള് സ്വയം തിരിച്ചറിയേണ്ടതുണ്ട്.
ആ പറഞ്ഞതിന് ഒരു കൈയ്യടി.
നല്ല പോസ്റ്റ്. നല്ല ചിത്രങ്ങള് .....സസ്നേഹം
മറുപടിഇല്ലാതാക്കൂഷിബുവിന്റെ ബ്ലോഗിൽ വായിച്ചിരുന്നു..പരിചയപ്പെടുത്തലിനു നന്ദി ..
മറുപടിഇല്ലാതാക്കൂനിരക്ഷരന്, ഒരു യാത്രികന്, പഥികന്,
മറുപടിഇല്ലാതാക്കൂസന്ദര്ശനത്തിനും, അഭിപ്രായങ്ങള്ക്കും വളരെ നന്ദി...
സസ്നേഹം
ലാസര്